ისრაელსა და „ჰამასს“ შორის არსებული ცეცხლის შეწყვეტის შეთანხმების ფარგლებში, 8 თებერვალს ტყვეთა მორიგი გაცვლა შედგა.
„ჰამასმა“ ისრაელს სამი მძევალი გადასცა. ინფორმაციას ისრაელის თავდაცვის ძალები „წითელ ჯვარზე“ დაყრდნობით ავრცელებს.
„წითელი ჯვრის“ მონაცემებით, მათ სამი მძევალი გადასცეს და მიემართებიან ღაზის სექტორში მყოფი ისრაელის თავდაცვისა და უსაფრთხოების დასამსახურის ძალებისკენ“, - ნათქვამია ტელეგრამის არხზე გავრცელებულ ინფორმაციაში.
The Times of Israel-ის ცნობით, ესენი არიან 56 წლის ოჰად ბენ ამი, 52 წლის ელი შარაბი და 34 წლის ორ ლევი.
ოჰად ბენ ამი და ელი შარაბი 2023 წლის 7 ოქტომბრის თავდასხმისას „ჰამასმა“ გაიტაცა კიბუც ბეერიდან, ორ ლევი კი იმავე დღეს მუსიკალური ფესტივალიდან მოიტაცეს.
სანაცვლოდ, ისრაელი გაათავისუფლებს 183 პალესტინელ პატიმარს, რომელთა ნაწილს ბრალად ედება ათეულობით ადამიანის მკვლელობაში მონაწილეობა. „ჰამასის’ თანახმად, აქედან 18 სამუდამო სასჯელს იხდიდა, ხოლო 111 ომის დროს დააკავეს ღაზაში.
ამ ეტაპისთვის, ცეცხლის შეწყვეტის შეთანხმების ფარგლებში, „ჰამასმა“ დააბრუნა ისრაელის ცამეტი და ტაილანდის ხუთი მოქალაქე, სანაცვლოდ კი, ისრაელმა 583 პალესტინელი დაკავებული გაათავისუფლა.
