აშშ და ისრაელის მიერ ირანის წინააღმდეგ შესაძლო სახედრო ოპერაციის განხორციელება აზერბაიჯანისა და საქართველოს ტერიტორიების გამოყენებით ანალიტიკოსების ყურადღების ცენტრში რჩება.
საკითხი სულ უფრო მეტ აქტულურობას იძენს რეგიონში აშშ-ს სახემწიფო მდივნის ჰილარი კლინტონის ვიზიტის მოახლოებასთან ერთად. აზერბაიჯანელი პოლიტოლოგი ზარდუშტ ალიზადემ vesti.az-თან საუბარში არ გამორიცხავს ირანის წინააღმდეგ სამხერო ოპერაციის განხორციელებასა და ირანისგან თბილისისა და ბაქოსთვის საპასუხო დარტყმებზე საუბრობს.
მისი თქმით, აშშ და ისრაელი უკვე არა ერთი ათეული წელია ემზადებიან ირანისთვის სამხედრო დარტყმისთვის, თუმცა ბოლო მოვლენების გათვალისწინებით, ირანის წინააღმდეგ სამხედრო ოპერაცია, უახლოეს მომავალში გამორიცხული არ არის.
"თუ აზერბაიჯანი და საქართველო საკუთარ ტერიტორიებს აშშ-სა და ისრაელის სამხედრო ნაწილებს ირანისთვის სამხედრო დარტყმის მისატანად დაუთმობენ, მაშინ თეირანმა შესაძლოა განახორციელოს ამ ქვეყნების მიმართ საპასუხო დარტყმები. აგრესორებსა და მათ მოკავშირეებს ყოველთვის ურტყამენ და აქ იბადება ერთი კითხვა ეს ჩვენ გვჭირდება? რისთვის სჭირდება აზერბაიჯანს ამ ავანტიურაში ჩართვა?" - განაცხადა ალიზადემ.
პოლიტოლოგი ფიკრეტ სადიხოვი ასევე მიიჩნევს, რომ აზერბაიჯანს არავითარი ინტერესი არ უნდა გააჩნდეს გაერთიანდეს ანტიტირანულ კოალიციაში.
"მე არ შემიძლია ვილაპარაკო ქართული მხარის ნაცვლად. რაც შეეხება აზერბაიჯანს, შესაძლოა ზოგიერთებს ძალიან სურთ ურთიერთობების დაძაბვა აზერბაიჯანსა და ირანს შორის, თუმცა აზერბაიჯანმა იმთავითვე დაიკავა საკმაოდ მოზომილი პოზიცია ამ საკითხთან დაკავშირებით. ოფიციალურ ბაქოს არაერთხელ განუცხადებია, რომ არ აპირებს მონაწილეობა მიიღოს ანტიირანულ აქციებში. ირანი ჩვენი მეზობელია. იქ არის ძალიან ძლიერი აზერბაიჯანული ფაქტორი და ჩვენ დაინტერესებულნი არ ვართ ამ ქვეყნის წინააღმდეგ ძალისმიერ აქციაში", - აცხადებს სადიხოვი.
მისი თქმით, ირანისთვის დარტყმის მისატანად არსებობს სხვა, აზერბაიჯანზე უფრო მოსახერხებელი, მრავალი ტერიტორია. თუმცა იგი ასევე მიიჩნევს, რომ ძალისმიერ აქციამდე საქმე არ უნდა მივიდეს და აცხადებს, რომ "ამერიკელებს საკმაო პრობლემები აქვთ ავღანეთში და ერაყში".
"ამის მიუხედავად, უნდა დაველოდოთ ჰილარი კლინტონის მომავალ ვიზიტს აზერბაიჯანში, რის შემდეგაც შესაძლებელი იქნება შეფასებების გაკეთება სამხრეთ კავკასიაში მოვლენების განვითარებასთან დაკავშირებით", - განაცხადა სადიხოვმა.
რუსი პოლიტოლოგი ალექსეი ვლასოვი აცხადებს, რომ სათუოა აზერბაიჯანის ხელისუფლება ირანის წინააღმდეგ ავანტიურაში ჩაერთოს, რადგან თავად სამხედრო ოპერაცია ირანის წინააღმდეგ ეს უკვე მნიშვნლელოვანი ავანტურაა.
"არ მგონია, რომ აზერბაიჯანის ხელისუფლებამ, რომელიც გამოირჩევა გაწონასწორებულობით და გადაწყვეტილებების დაფიქრებულად მიღებით, საკუთარ ტერიტორია აშშ-სა და ისრაელს ირანის წიანაღმდეგ დარტყმის მისატანად დაუთმოს. ეს იქნება ილჰამ ალიევის მრავალვექტორული დიპლომატიის საწინააღმდეგო ნაბიჯი. რაც შეეხება საქართველოს, პრეზიდენტი სააკაშვილი არაპროგნოზირებადი ადამიანია. იმის გათვალისწინებით, რომ ბოლო დროს აშშ-ს გაუნელდა ინტერესები ქართული დემოკრატიისადმი, სრულიად რეალურია მისი თანხმობა საქართველოს ტერიტორიის ირანისადმი დარტყმის მისაყენებლად დათმობის თაობაზე, რაც შესაძლებელს გახდის აშშ-სა და საქართველოს უფრო მჭიდრო თანამშრომლობას ქართული მხარის ინტერესების გათვალისწინებით", - აცხადებს ვლასოვი.
მისი თქმით, ირანისადმი შესაძლო დარტმის მიყენება ეს უფრო სატყუარაა, რომელსაც თან ახლავს ძალიან ძლიერი საინფორმაციო ბექრაუნდი და ეს არის საზოგადეობრივი რეაქციის მოსინჯვა.
"ჰილარი კლინტონი ბაქოში ვიზიტისას შეეცდება მიიღოს კონკრეტული პასუხი, თუ რა პოზიცია ექნება აზერბაიჯანს აშშ-სა და ისრაელის მიერ ირანისათვის სამხედრო დარტყმის განხორციელებისას", _ აცხადებს ვლასოვი.
ვლასოვი დარწმუნებულია, რომ ილჰამ ალიევი შეძლებს ბალანსირებული პოლიტიკის შენარჩუნებას.
