ევროკომისიამ საქართველოს დასახმარებლად 37 მილიონი ევროს პროგრამა დაამტკიცა. ამის შესახებ ნათქვამია ორგანიზაციის ოფიციალურ ვებ-გვერდზე გამოქვეყნებულ განცხადებაში.
"ჩვენ ხელს ვუწყობთ საქართველოში რეფორმირების გატარებას რაც თითოეულმა მოქალაქემ საკუთარ თავზე გამოსცადოს ევროკავშირთან დაახლოების კონკრეტული შედეგები, როგორებიცაა ადამიანის უფლებები, ეკონომიკური ზრდა და კეთილდღეობა", _ ნათქვამია განცხადებაში.
პროგრამა საქართველოში ეკონომიკური ზრდისა და რეგიონული განვითარების სტიმულირებას ისახავს მიზნად. მასში გათვალისწინებულია ასევე საქართველოს ინტეგრაცია ევროკავშირის ბაზარზე და სოციალურად დაუცველი ადამიანებისათვის დახმარების უზრუნველყოფა.
გარდა ამისა პროგრამა ხელს შეუწყობს ქვეყნის ვალისა და საჯარო ფინანსების მართვის ეფექტური სისტემის შემუშავებას.
