ფინეთის მთავრობამ პარლამენტს წარუდგინა კანონპროექტი, რომელიც მიზნად ისახავს, აუკრძალოს უძრავი ქონების შესყიდვა უცხოელებს, რომლებსაც აქვთ მოქალაქეობა იმ ქვეყნებში, რომლებიც აწარმოებენ აგრესიულ ომს ან საფრთხეს უქმნიან ეროვნულ უსაფრთხოებას.
"ინიციატივის მზიანია, შეზღუდოს რუსეთის მოქალაქეების მიერ ფინეთში უძრავი ქონების შეძენის შესაძლებლობა", - თქვა ფინეთის თავდაცვის მინისტრმა ანტი ჰაკანენმა.
მისი თქმით, რუსეთი აგრძელებს ევროპის უსაფრთხოებისთვის ძირის გამოთხრას და მისი მოქალაქეების მიერ შეძენილი უძრავი ქონება შესაძლოა, გამოყენებულ იქნეს "მტრული გავლენების განსახორციელებად“.
როგორც ფინეთის საზოგადოებრივი მაუწყებელი Yle აღნიშნავს, ფინეთში დიდი ხანია საკამათოა რუსების მიერ უძრავი ქონების შესყიდვის საკითხი. გასულ წელს, ქვეყნის თავდაცვის სამინისტრომ დაბლოკა რამდენიმე ასეთი გარიგება მყიდველების რუსეთთან კავშირების მოტივით.
ამჟამად განიხილება ეროვნული უსაფრთხოების მიზნით რუსებისთვის უკვე მიყიდული უძრავი ქონების ჩამორთმევის შესაძლებლობა.
აღნიშნული კანონპროექტის მომზადების შესახებ ჯერ კიდევ გასული წლის სექტემბერში გახდა შესაძლებელი.
დოკუმენტი ითვალისწინებს გამონაკლისს ორმაგი მოქალაქეობის მქონე პირებისთვის, რომლების ფლობენ, როგორც რუსეთის, ასევე ფინეთის მოქალაქეობას. გამონაკლისია ასევე რუსები, რომლებსაც აქვთ ფინეთში ან ევროკავშირის სხვა ქვეყნებში მუდმივი ბინადრობის უფლება.
ფინეთის თავდაცვის მინისტრის თქმით, გასული წლის მონაცემებით, ფინეთში რუსეთის მოქალაქეები ფლობდნენ 3500-მდე უძრავი ქონების ობიექტს.
