დღეს, 14:00 საათზე, ორგანიზაცია "ინიციატივები დახმარებისა და განვითარებისათვის" (NGO) "საქართველოს ლადო ასათიანის სახელობის ბიბლიოთეკასთან ერთად" ბავშვთა სახლების აღსაზრდელებისათვის მართავს საინფორმაციო-სასწავლო ღონისძიებას.
საღამოს დაესწრება პოეტი მაყვალა გონაშვილი, რომლის შემოქმედებასაც აღნიშნული ორგანიზაციის წამომადგენლები გააცნობენ ბავშვებს და მათთან ერთად განიხილავენ.
ღონისძიებას ასევე დაესწრებიან ერთ-ერთი საჯარო სკოლის მოსწავლეები, რაც ხელს შეუწყობს მზრუნველობამოკლებულ ბავშვთა საზოგადოებაში ინტეგრაციას.
დღის ბოლოს ორგანიზაცია "ინიციატივები დახმარებისა და განვითარებისათვის" წარმომადგენლები ბენეფიციარებს სიმბოლურ საჩუქრებს გადასცემენ.
