ეუთო უკმაყოფილოა ერგნეთში უშედეგოდ დასრულებული შეხვედრის გამო. ორგანიზაციის ვებ-გვერდზე გავრცელებულ ოფიციალურ განცხადებაში ნათქვამია, რომ თანათავმჯდომარეები წუხილს გამოთქვამენ იმის გამო, რომ შეხვედრაზე გარკვეული საკითხების განხილვა ვერ მოხერხდა. თუმცა ისინი დადებითად აფასებენ მონაწილეთა განცხადებებს, რომლებიც შეეხებოდა შეხვედრების მნიშვნელობას და ადგილობრივ მოსახლეობასთან დაკავშირებულ საკითხებს.
განცხადების თანახმად მნიშვნელოვანია ისიც, რომ შეხვედრის მონაწილეები აცნობიერებენ გადაუდებელი საკითხების გადაჭრის აუცილებლობასაც.
თანათავმჯდომარები მოუწოდებენ მონაწილეებს დროულად გამართონ მომავალი შეხვედრა.
