ევროკავშირის სპერციალურმა წარმომადგენელმა სამხრეთ კავკასიაში პიტერ სემნებმა იმედი გამოთქვა, რომ ცენტრალური საარჩევნო კომისია არჩევნების შემდგომი პერიოდის გამოწვევებისთვის მზად იქნება.
"მე რამდენიმე საარჩევნო უბანი შემოვიარე, ამიტომ არ მინდა არჩევნები ამ უბნებით შევაფასო. თუმცა, შემიძლია გითხრათ, რომ წინასაარჩევნო მოსამზადებელმა პერიოდმა წინა არჩევნებთან შედარებით კარგად ჩაიარა", - აღნიშნა სემნებიმ ჟურნალისტებთან საუბრისას.
მისივე თქმით, ცესკო შეეცადა საარჩევნო ადმინისტრაციის მხრიდან ის ხარვეზები გამოესწორებინა, რომელიც წინა არჩევნებზე იყო.
"მე დაველოდები კენჭისყრის შედეგებს და საერთაშორისო ორგანიზაციების მონაცემებს. ალბათ აზრთა სახვადასხვაობაც იქნება, თუმცა იმედი მაქვს, რომ ცესკო არჩევნების შემდგომი პერიოდის გამოწვევბისთვისაც მზადაა", - განაცხადა ევროკავშირის სპეციალურმა წამოამდგენელმა.
შეგახსნებთ, რომ თვითმართველობის არჩევნებში მთელი საქართველოს მასშტაბით 3 544 770 ამომრჩველიდან 1 808 556 ადამიანმა მიიღო კენჭისყრასი მონაწილება, რაც საერთო მონაცების 51%-ს შეადგენს, თუმცა აღნიშნული მონაცემები შესაძლოა მცირედ კიდევ შეიცვალოს.
