საპარლამენტო უმრავლესობის წარმომადგენელი გიორგი გაბაშვიული აცხადებს, რომ მესტიაში მომხდარ ინცინდენტთან დაკავშირებით ხელისუფლების მხრიდან რეაგირება აუცილებლად იქნება, თუმცა არანაირ კომენტარს არ აკეთებს გოროზიას მიმართ რაიმე სანქციების გატარებასთან დაკავშირებით. ამის შესახებ განცხადება გაბაშვილმ დღეს პარლამენტში ჟურნალისტებთან საუბრისას გააკეთა.
როგორც მან აღნიშნა, ამ ფაქტთან დაკავშირებით მიმდინარეობს მოკვლევა. გაბაშვილი მიიჩნევს, რომ "ჯერ უნდა გაირკვეს, ხომ არ არის გავრცელებული ინფორმაცია პოლიტიკურად გაზვიადებული, რაც, როგორც წესი, არჩევნებს ახასიათებს ხოლმე".
შეგახსენებთ, რომ საუბარია მედიასაშუალებით გავცელებულ ვიდეოჩანაწერზე, სადაც ჩანს, რომ სამეგრელოს გუბერნატორი არღვევს საარჩევნო კანონმდებლობას.
აღსანიშნავია ისიც, რომ გუშინ გავრცელდა ინფორმაცია ზაზა გოროზიას თანამდებობიდან მოხსნის შესახებ, თუმცა გაბაშვილი მიიჩნევს, რომ ამ საკითხზე საუბარი ნაადრევია და დასძენს, რომ იგი პირადად არანაირ ინფორმაციას არ ფლობს აღნიშნულთან დაკავშირებით.
"როგორც იცით, ამ საკითხს უწყებათაშორისი სამთავრობო კომისია იკვლევს და ჯერჯერობით რამის თქმა ძნელია. სათანადო რეაგირება მხოლოდ მოკვლევის შედეგად იქნება შესაძლებელი. კიდვე ერთხელ გავიმეორებ, რომ არჩევნების ნორმალურად ჩატარება სახელისუფლებო გუნდის ინტეერსებში შედის", - აცხადებს გაბაშვილი.
იგი წინასაარჩევნო პერიოდს დადებითად აფასებს და აცხადებს, რომ "შეინიშნება იზოლირებული ინცინდენტები, რაზედაც რეაგირება აუცილებლად იქნება".
რაც შეეხება სამეგრელო-ზემოსვანეთის გუბერნატორის თანამდებობიდან შესაძლო გათავისუფლების საკითხს, გაბაშვილი ცასლსახად აცხადებს, რომ აღნიშნულთან დაკავშირებით არანაირ ინფორმაციას არ ფლობს და არც პირადი შეხედულების გამჟღავნება სურს, მიიჩნევს თუ არა იგი გოროზიას დამნაშავედ.
