12 თებერვალს, გამთენიისას, რუსეთმა კიევზე ბალისტიკური თავდასხმა განახორციელა. ნამსხვრევების ჩამოვარდნის შედეგად გაჩნდა ხანძარი.
კიევის მერის ვიტალი კლიჩკოს ცნობით, იკუპანტების იერიშს მსხვერპლი მოჰყვა. უკრაინის დედაქალაქის ობოლონის რაიონში რაიონში დაიღუპა ერთი ადამიანი. ამავე რაიონში ასევე დაშავებულია ოთხი შვიდობიანი მოქალაქე, მათ შორის 9 წლის ბავშვი.
მოგვიანებით, კლიჩკომ განაცხადა, რომ კიდევ ერთი ადამიანი დაშავდა პოდოლის რაიონში.
კლიჩკოს ინფორმაციით, კიევის დარნიცის რაიონში ერთ-ერთი კერძო საწარმოს ტერიტორიაზე ხანძარი გაჩნდა. ასევე კიევის სამხედრო ადმინისტრაციის ხელმძღვანელმა ტიმურ ტკაჩენკომ განაცხადა, რომ რაკეტის ნამსხვრევები ჩაცვივდა კიევის გოლოსეევისა და პოდოლის რაიონებში. მისივე ცნობით, დაშავებულები არ არიან.
