სეპარატისტულ აფხაზეთში რუსეთის ფედერალური უსაფრთხოების სამსახურის უფროსის მოადგილის ნიკოლაი რიბკინის განცხადებით, აფხაზეთსა და ე. წ. სამხრეთ ოსეთში რუსეთის მესაზღვრეების ყოფნა საქართველოს პოზიციაზეა დამოკიდებული.
"რუსეთის ფედერალური უსაფრთხოების სამსახური მანამ იქნება აფხაზეთში, ვიდრე მოსაზღვრე ტერიტორიიდან მომავალი საფრთხე არ მოიხსნება", _ აცხადებს რიბკინი და დასძენს, რომ რუსი მესაზღვრეები "აფხაზ და ოს კოლეგებს ყველა საჭირო დახმარებას გაუწევენ".
"რუსი მესაზღვრეების ჩადგომის შემდეგ აფხაზეთში სიტუაცია დასტაბილურდა, თუმცა ჯერ კიდევ არსებობენ გარკვეული ძალები, რომლებიც სიტუაციის დესტაბილიზებას ცდილობენ", _ აცხადებს რუსი სამხედრო.
