მიმდინარე წელს საქართველოს ეკონომიკა გაიზრდება, თუმცა, არა იმ მაჩვენებლით, რომელსაც ბოლო პერიოდში პროგნოზირებენ. ამის შესახებ "ჯი-ეიჩ-ენს" ექსპერტმა ეკონომიკურ საკითხებში ნოდარ ხადურმა განუცხადა.
მისი თქმით, სურვილი იმისა, რომ ეკონომიკა საქართველოში 5 ან 25 პროცენტით გაიზარდოს ძალიან დიდია, თუმცა, სამწუხაროდ, ქვეყნას ამის რესურსი არ აქვს.
მისი შეფასებით, წელს საქართველოში ეკონომიკა აუცილებლად გაიზრდება, მხოლოდ 1 ან 2 პროცენტით.
ექსპერტის თქმით, ასევე არამართებულია მიმდინარე წლის ეკონომიკური მაჩვენებლების შედარება 2008 წლის მაჩვენებლებთან.
"შარშან წლის პირველ ნახევარში 2008 წელთან შედარებით, ეკონომიკური დაცემა თითქმის 11 პროცენტი იყო. არამგონია, წელს 11 პროცენტიანი ზრდა გვქონდეს, 2008 წელს რომ შევადაროთ", - განაცხადა ნოდარ ხადურმა.
ამასთან, მისი თქმით, ფაქტია, რომ ეკონომიკური აქტივობა ქვეყნაში გაზიარდა და იმედისმომცემი ვითარებაა. თუმცა, თავის დამაიმედებელი პროგნოზის გაკეთება სწორი არ არის.
"თავი არ უნდა დავიიმედოთ, რომ მთელს მსოფლიოში კრიზისი დამთავრდა და ასე შემდეგ. ევროპაში კრიზისი ახლა იწყება. ამიტომ, საქართველოში ჩვენ კრიზისს ახლა ვერ დავამთავრებთ ბევრი მიზეზის გამო - დაწყებული იმით, რაც საბერძნეთში ხდება და გაგრძელებული იმით, რაც შეიძლება ჩვენს სხვა პარტნირებთანაც მოხდეს", - განაცხადა ხადურმა.
მისი თქმით, მაგალითად, არსებობს ასევე პროგნოზი, რომ აზერბაიჯანში ეკონომიკა წელს მცირე მაჩვენებლით გაიზრდება. აზერბაიჯანი კი, საქართველოსგან განსხვავებით, ძალიან კარგი საექსპორტო შესაძლებლობების მქონე ქვეყანაა.
"უნდა აღინიშნოს, რომ შეიძლება ეკონომიკა გაიზარდოს, მაგრამ რის ხარჯზე? ამდენად, ეს ყველაფერი არის ძალიან კარგად გასაანილიზებელი. ამასთან, მნიშვნელოვანია ისიც, რომ ეკონომიკა არ უნდა გადახურდეს", - აღნიშნა ნოდარ ხადურმა.
