აშშ-ის თავდაცვის მდივანმა პიტ ჰეგსეთმა განაცხადა, რომ უკრაინის დაბრუნება იმ საზღვრებთან, რომლებიც არსებობდა 2014 წლამდე არ არის რეალისტური მიზანი. ამის შესახებ პიტ ჰეგსეტმა უკრაინის თავდაცვის საკონტაქტო ჯგუფის შეხვედრაზე განაცხადა, რომელიც ბრიუსელში, ნატო-ს შტაბბინაში იმართება.
ჰეგსეთმა აღნიშნა, რომ აშშ-ის პრეზიდენტს დონალდ ტრამპს სურს უკრაინაში ომის დასრულება დიპლომატიური გზით. ამასთან, მან აღნიშნა, რომ ამ საკითხს რეალისტური პერსპექტივიდან უნდა შევხედოთ.
„ჩვენ შეგვიძლია დავასრულოთ ეს დამანგრეველი ომი და დავამყაროთ ხანგრძლივი მშვიდობა... ბრძოლის ველის რეალისტური შეფასებით.
ჩვენ, ისევე როგორც თქვენ, ვისწრაფვით სუვერენული და აყვავებული უკრაინისკენ. მაგრამ ჩვენ უნდა დავიწყოთ იმის აღიარებით, რომ 2014 წლამდე არსებულ საზღვრებში დაბრუნება არარეალური მიზანია“, - თქვა პენტაგონის ხელმძღვანელმა და დასძინა, რომ ამ ილუზიური მიზნისკნ სწრაფვა მხოლოდ ომს და ტანჯვას გაახანგრძლივებს.
მისი თქმით, უკრაინაში გრძელვადიანი მშვიდობა უნდა ეფუძნებოდეს უსაფრთხოების ძლიერ გარანტიებს, რომლებიც უზრუნველყოფენ ომის თავიდან დაწყებას. „ეს არ უნდა იყოს მინსკის მესამე შეთანხმება“, - თქვა ჰეგსეთმა.
ამ კონტექსტში მან თქვა, რომ „შეერთებულ შტატებს არ მიაჩნია, რომ უკრაინის გაწევრიანება ნატო-ში, მოლაპარაკების გზით დარეგულირების რეალისტური შედეგია“.
მან დასძინა, რომ უსაფრთხოების ნებისმიერი გარანტია უნდა იყოს მხარდაჭერილი ევროპული და არაევროპული ძალების მიერ.
„თუ ეს ჯარები განლაგდებიან სამშვიდობოების სახით უკრაინაში ნებისმიერ დროს, ისინი უნდა განლაგდნენ ნატო-ს გარეთ მისიის ფარგლებში და არ დაექვემდებარომ მე-5 მუხლს.
„ასევე უნდა იყოს უზურუნველყოფილი საერთაშორისო ზედამხედველობა შეხების ხაზზე“, - თქვა ჰეგსეთმა. მან ასევე განაცხადა, რომ "ამერიკული ჯარები არ განლაგდებიან უკრაინაში", როგორც უსაფრთხოების გარანტიის ნაწილი.
