რუსეთის პრემიერ-მინისტრი ვლადიმერ პუტინი მიიჩნევს, რომ საქართველოს სხვადასხვა პოლიტიკურ ძალებთან ამჟამად მიმდინარე დიალოგი კარგი წინაპირობაა მომავალში ნორმალური სახელმწიფოთაშორისო ურთიერთობების დასალაგებლად საქართველოსთან მიმართებაში.
"ქართველი ხალხი რუსეთთან და რუსეთის ხალხთან მიმართებაში, მეგობრულ ხალხად მიგვაჩნია. ჩვენ საუკუნეების განმავლობაში განსაკუთრებული ურთიერთობები ჩამოგვიყალიბდა. ეს არის მართლმადიდებელი ხალხი, რომელიც ახლოა ჩვენთან სულიერადა და ისტორიით. ის, რაც ბოლო წლების განმავლობაში მოხდა მსუბუქად რომ ვთქვათ, შეცდომის, თუ კი არ ვიტყვით, საქართველოს ამჟამინდელი ხელისუფლების დანაშაულებრივი პოლიტიკის, შედეგია", - განუცხადა პუტინმა ტელეკომპანია "მირს".
მისი თქმით, რუსეთი არ აპირებს საქართველოს შიდა საქმეებში ჩარევას.
"ჩვენ არ ვაპირებთ ჩავერიოთ საქართველოს შიდა პოლიტიკურ საქმეებში. შეხვედრები, ქართული ოპოზიციის ამჟამიდენლ წარმომადგენლებთან მეტყველებს არა იმაზე, რომ ჩვენ გვსურს ჩავერიოთ საქართველოს შიდა საქმეებში, არამედ იმაზე, რომ საქართველოს საზოგადოებას ესმის, რომ მოხარულები ვართ, რომ უნდა ავაშენოთ, როგორც მინიმუმ ნორმალური სახელმწიფოთაშორისო ურთიერთობები. ჩვენ ეს გვსურს და ჩვენ ვალაგებთ დიალოგს იმ ადამიანებთან, რომლებთანაც ახლო წარსულში ძალიან ძნელი იყო საუბარი", - განაცხადა პუტინმა.
რუსეთის პრემიერ-მინისტრმა ყურადღება გაამახვილა ნინო ბურჯანაძის ფაქტორზე და აღნიშნა, რომ ის მიხეილ სააკაშვილთან ერთ-ერთი ყველაზე დაახლოებული პირი იყო.
"ის, რომ ჩვენ ამჟამად დიალოგს ვალაგებთ სხვადასხვა პოლიტიკურ ძალებთან, კარგი წინაპირობა, რათა დალაგდეს საქართველოსთან ნორმალური სახელმწიფოთაშორისო ურთიერთობები", - განაცხადა პუტინმა.
