საქართველოს შეიარაღებული ძალების სახმელეთო ჯარებს ახალი სარდალი ჰყავს.
თავდაცვის მინისტრის ბრძანებით ამ თანამდებობაზე გიგი კალანდაძე დაინიშნა.
თავდაცვის სამინისტროს ცნობით, კალანდაძე, რომელიც მე-4 ქვეითი ბრიგადის მეთაური იყო, სარდლის მოვალეობას 27 იანვრიდან ასრულებდა.
რაც შეეხება ყოფილ სარდალ შმაგი თელიას, ის მუშაობას შეიარაღებულ ძალებში აგრძელებს.
შეგახსენებთ, რომ პარლამენტის მიერ აპრილში მიღებული საკანონმდებლო შესწორებით, სახმელეთო ძალების სარდლობას საჰაერო ძალებიც დაექვემდებარა.
