აშშ-ის სპეციალურმა წარმომადგენელმა რუსეთსა და უკრაინაში კიტ კელოგმა განაცხადა, რომ პოტენციურ „სამშვიდობო შეთანხმებაში“ უკრაინის ტერიტორიული დანაკარგების მითითება არ ნიშნავს ამ დანაკარგების აღიარებას. ამის შესახებ კელოგმა Fox News-თან ინტერვიუში განაცხადა.
კელოგმა მხარი დაუჭირა აშშ-ოს თავდაცვის მდივნის, პიტ ჰეგსეთის განცხადებას, რომელმაც უკრაინის 2014 წლის საზღვრების აღდგენას ომის დასრულების შემდეგ არარეალური უწოდა.
"ვფიქრობ, იქნება რაიმე სახის შეთანხმება ტერიტორიის [უკრაინის] შესაძლო დაკარგვაზე. მაგრამ ამის აღიარება აუცილებელი არ არის."
"როდესაც საბჭოთა კავშირმა ბალტიისპირეთის ქვეყნები დაიპყრო, ჩვენ არასდროს გვითქვამს, რომ ისინი ამ ქვეყნებს ეკუთვნიან. ჩვენ ვთქვით, რომ ისინი უბრალოდ [სსრკ-ს] მმართველობის ქვეშ იმყოფებოდნენ", - განმარტა კელოგმა.
მისი აზრით, ტერიტორიული საკითხი გრძელვადიან პერსპექტივაში უნდა განიხილებოდეს, "მაგრამ ეს მოლაპარაკების ნაწილია".
„ჩვენ გვჭირდება რეალური, სტაბილური მშვიდობა, რომელიც ნამდვილად გარანტირებულია უსაფრთხოების შეთანხმების არსებობის თვალსაზრისით ყველა მხარეს შორის, რომელიც იქნება გამძლე და ძალიან, ძალიან მდგრადი“, - დასძინა ტრამპის წარმომადგენელმა.
