საქართველოს პრემიერ-მინისტრი ირაკლი ღარიბაშვილი სენატორ ჯონ მაკკეინს შეხვდა.
შეხვედრაზე მხარეებმა საქართველო-აშშ-ის ორმხრივი ურთიერთობების გაღრმავებასა და სამომავლო თანამშრომლობის საკითხებზე ისაუბრეს.
სენატორმა საქართველოს ხელისუფლებას სრული მხარდაჭერა გამოუცხადა და კიდევ ერთხელ მიულოცა დემოკრატიულად ჩატარებული საპრეზიდენტო არჩევნები. სენატორმა მაკკეინმა საქართველოს ხელისუფლებას ISAF-ის მისიაში მონაწილეობისათვის მადლობა გადაუხადა და სრული მხარდაჭერა გამოუცხადა 2014 წელს საქართველოსთვის MAP-ის მინიჭების საკითხში.
სენატორი საქართველოს ოკუპირებული რეგიონების გასწვრივ ე.წ ბორდერიზაცის პროცესით დაინტერესდა და აღნიშნა, რომ აშშ-ის გამყოფი ბარიერების აგებას გმობს.
შეხვედრაზე საუბარი შეეხო სავაჭრო-ეკონომიკურ ურთიერთობებს, ასევე ევროკავშირთან ასოცირებისა და თავისუფალი ვაჭრობის შესახებ ხელშეკრულების ხელმოწერის პერსპეტქივებს.
ირაკლი ღარიბაშვილმა ამერიკელ სენატორსა საქართველოს მხარდაჭერისთვის მადლობა გადაუხადა და იმედი გამოთქვა, რომ ეს ტენდენცია მომავალშიც გაგრძელდება.
სენატორ ჯონ მაკკეინთან შეხვედრას საქართველოს საგარეო საქმეთა მინისტრი მაია ფანჯიკიძე, სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში ალექსი პეტრიაშვილი,საქართველოს ელჩი აშშ-ში არჩილ გეგეშიძე დაესწრნენ.
