აჭარის ა/რ ჯანმრთელობისა და სოციალური დაცვის მინისტრის მოადგილე ლევან გორგილაძე, „წითელი ჯვრის" ბათუმის ორგანიზაციის ხელმძღვანელთან და ორგანიზაციის წევრებთან ერთად ლორთქიფანიძის ქუჩის ნ42 ა-ში მცხოვრებ შენგელიების ოჯახს ეწვევია და სამი ტყუპი, 1 წლისა და 2 თვის ნინი, ლიკა და ანდრია მოინახულა.
შენგელიების ოჯახს 6 თვის განმავლობაში ბავშვთა კვების პროდუქტებით და ჰიგიენური საშუალებებით შპს „აჭარ ლაზური" მოამარაგებს. მანამდე პატარებს ბავშვთა კვების პროდუქტებით კომპანია „ჰუმანა" უზრუნველყოფდა.
შენგელიების ოჯახმა თავდაპირველად დახმარების თხოვნით აჭარის ჯანდაცვის სამინისტროს გასულ წელს მომართა. მაშინ ბავშვების კვებით უზრუნველყოფაზე სურვილი კომპანია „ჰუმანამ" გამოთქვა, ამჯერად „წითელი ჯვრის" ხელშეწყობით ოჯახს „აჭარ ლაზური" დაეხმარება.
2014 წელს აჭარის ჯანდაცვის სამინისტრომ ახალი პროგრამა „ახალშობილი ტყუპების ოჯახების ერთჯერადი მატერიალური დახმარება" შეიმუშავა, რომლის ფარგლებში ერთჯერად მატერიალურ დახმარებას, თითოეულ ბავშვზე 1000 ლარის ოდენობით 2014 წელს დაბადებული ყველა ტყუპის ოჯახი მიიღებს.
