შინაგან საქმეთა სამინისტროს საინფორმაციო-ანალიტიკური დეპარტამენტის წარმომადგენლებმა საქართველოში აკრედიტებული დიპლომატიური კორპუსის და საერთაშორისო ორგანიზაციების წარმომადგენლებს ოკუპაციის ხაზის მიმდებარე სოფლებში არსებული მდგომარეობა გააცნეს.
შეხვედრაზე შსს-ს მხრიდან წარმოდგენილი პრეზენტაცია ბოლო დროს განვითარებულ მოვლენებსა და ზოგადად საოკუპაციო ძალების მიერ მავთულხლართების, ღობეების, მიწათხრილების და ე.წ. „საზღვრის აღმნიშვნელი" ბანერების მონტაჟის შედეგად შექმნილ მდგომარეობას შეეხო.
მსგავსი ტიპის შეხვედრები შს სამინისტროში პერიოდულად იმართება და საქართველოში აკრედიტებული დიპლომატიური კორპუსისა და საერთაშორისო ორგანიზაციების წარმომადგენლების ოკუპირებული აფხაზეთისა და ცხინვალის რეგიონების მიმართულებით განვითარებული მოვლენების შესახებ დეტალურ ინფორმირებას ისახავს მიზნად.
