საიასთვის იუსტიციის მინისტრის თეა წულუკიანის არგუმენტები რის გამოც მართლმსაჯულების ხარვეზების დამდგენი კომისია ამ ეტაპზე აღარ შეიქმნება მიუღებელია.
სიას იურისტის ანა ნაცვლიშვილის განმარტებით, არ შეიძლება ადამიანის უფლებების დაცვის გადავადება.
,,იუსტიციის მინისტრმა განცხადება გააკეთა და განმარტა, რომ, მართლმსაჯულების ხარვეზების დამდგენი კომისია რომელის შექმნა დაანონსებული იყო ამ ეტაპზე აღარ შეიქმნება. არგუმენტი, რომ სახელმწიფო ფინანსურად ამისთვის მზად არ არის და ამის გამო ადამიანის უფლებები დაცული არ უნდა იყოს და ადამიანის უფლებების დაცვა უნდა გადავადდეს, აეს ახალგაზრდა იურისტთთა ასოციაციისთვის მიუღებელია", _განაცხადა ანა ნაცვლიშვილმა.
შეგახსენებთ, რომ მართლმსაჯულების ხარვეზების დამდგენი კომისია ამ ეტაპზე აღარ შეიქმნება. როგორც ჟურნალისტებთან იუსტიციის მინისტრმა თეა წულუკიანმა განმარტა აღნიშნული გადაწყვეტილების მიზეზი ქვეყნის ეკონომიკური მდგომარეობაა.
მისივე განმარტებით, როგორც კი ქვეყნის ეკონომიკური და ფინანსური მდგომარეობა იქნება, ისეთი რომ შეძლებს დააკმაყოფილოს დაზარალებული მოსახლეობას მოთხოვნები მართლმსაჯულების ხარვეზების დამდგენი კომისია შეიქმნება.
,,ჩვენ კანონპროექტი მთავრობის ერთ-ერთ ბოლო სხდომაზე გავიტანეთ, თუმცა, მიუხედავად იმისა, რომ კომისიის შექმნას არავინ ეწინააღმდეგება, მთავრობამ მიიჩნია, რომ ძალიან ფრთხილადაა გასათვლელი ის შედეგები, რაც შესაძლოა ეკონომიკური და ფინანსური თვალსაზრისით მივიღოთ, ვინაიდან თუკი ადამიანი გამართლებულად იქნება მიჩნეული და მას უკვე გაუჩნდება მატერიალური მოთხოვნის დაყენების უფლება, ამისთვის დღეს ჩვენი ქვეყნის ეკონომიკური, ფინანსური მდგომარეობა მზად არ არის. ამ ერთადერთი მიზეზის გამო ჩაითვალა, რომ ეს ამ ეტაპზე ნაადრევია, თუმცა თავისთავად იდეა უარყოფილი არ ყოფილა", - განაცხადა თეა წულუკიანმა.
