აჭარის ჯანდაცვის სამინისტრო მიზნობრივი ქვეპროგრამის ფარგლებში, 2014 წელს მატერიალური დახმარების ოდენობას გაზრდის და 100 წელს გადაცილებული მოქალაქეებისათვის ერთჯერადი დახმარება 1 000 ლარი იქნება.
ქვეპროგრამის განხორციელებისათვის სამინისტროს მომდევნო წლის ბიუჯეტში 69 000 ლარია გათვალისწინებული. ერთჯერადი დახმარების გაცემას უზრუნველყოფს სამინისტროს პასუხისმგებელი პირი ადგილობრივი თვითმმართველობის წარმომადგენლებთან ერთად.
ბენეფიციარების სიის დაზუსტება განხორციელდება საქართველოს სოციალური მომსახურების სააგენტოს, სამოქალაქო რეესტრის, ქ. ბათუმის მერიისა და აჭარის ავტონომიური რესპუბლიკის მუნიციპალიტეტების გამგეობებიდან მოწოდებული სიების საფუძველზე.
აღნიშნულ პროგრამას სამინისტრო რამდენიმე წელია ახორციელებს. წელს ერთჯერადი მატერიალური დახმარება 500 ლარის ოდენობით 100 წელს გადაცილებულ 58 მოქალაქეს გადაეცა.
