აშშ-ის პრეზიდენტმა დონალდ ტრამპმა განაცხადა, რომ ვაშინგტონი განიხილავს ლიეტუვის შეთავაზებას ქვეყანაში მუდმივი ამერიკული სამხედრო ბაზის განთავსების შესახებ.
„ჩვენ ამას, რა თქმა უნდა, განვიხილავთ. ლიეტუვაში ძალიან ბევრ ადამიანს ვიცნობ. ისინი შესანიშნავი ხალხია“, - უთხრა ტრამპმა ჟურნალისტებს თეთრ სახლში.
ტრამპმა აღნიშნულია განცახდება მას შემდეგ გაკეთა, რაც ლიეტუვის თავდაცვის მინისტრმა რობერტას კაუნასმა თქვა, რომ ვაშინგტონში ვიზიტისას ქვეყანაში ამერიკული მუდმივი სამხედრო ბაზის განთავსების წინადადება წამოაყენა.
ლიეტუვაში აშშ-ის სამხედრო ყოფნის გრძელვადიანი შენარჩუნება ვილნიუსის ერთ-ერთ პრიორიტეტად იქცა. Reuters-ის ცნობით, ლიეტუვის მთავრობა ამერიკული მუდმივი სამხედრო ვაზის განლაგების საკითხს რუსეთისა და ბელარუსის მეზობლად ქვეყნის უსაფრთხოებისა და შეკავების პოლიტიკის მნიშვნელოვან ნაწილად განიხილავს.
ამასთან, სექტემბერში ლიეტუვის პრეზიდენტმა გიტანას ნაუსედამ განაცხადა, რომ აშშ ლიეტუვაში სამხედროების ახალ როტაციას აგზავნის, რაც ქვეყანაში ამერიკული სამხედრო ყოფნის გაგრძელებას ადასტურებს.
