საქართველოს მთავარი პროკურორის არჩილ კბილაშვილის განცხადებით, ამ ეტაპზე კითხვაზე, თუ როდის დასრულდება ექს-პრემიერ მინისტრის ზურაბ ჟვანიას საქმის გამოძიება, პასუხის გაცემა ვერც ერთ პროკურორს ვერ შეეძლება.
როგორც კბილაშვილმა TV-3-ის გადაცემა "დიდ პოლიტიკაში" სტუმრობისას აღნიშნა, დღესდღეობით რთულია იმის თქმა, ჟვანიას გარდაცვალების ღამეს ნამდვილად უბედურ შემთხვევას ჰქონდა ადგილი თუ მკვლელობა მოხდა, ამიტომ აღნიშნული საქმის გამოძიების ფარგლებში ყოველდღიურ რეჟიმში მთელი რიგი ღონისძიებებისა ხორციელდება და შესაბამისი შედეგიც სამუშაოების დასრულების შემდეგ გახდება ცნობილი.
"ვადასტურებ იმ ფაქტს, რომ საქმეში ნამდვილად არის ახალი გარემოებები, ნამდვილად არის ახალი მტკიცებულებები, ძალზედ მნიშვნელოვანი მტკიცებულებები, რომლებიც ჩვენ გვაძლევს ოპტიმიზმის საფუძველს, რომ ეს საქმე აუცილებლად იქნება აბსოლუტური გარკვეულობით გახსნილი. გარდაიცვალა თუ მოაკვდინეს, გავცემთ ზუსტ პასუხს. დღესდღეობით ჩვენ ან ერთი, ან მეორე რომ დავასახელოთ, მიუხედავად იმისა, თუ რომელი ვერსიის ალბათობა უფრო დიდია, მაინც არამართებული იქნება ჩვენის მხრიდან, ამიტომ ბუნებრივია, რომ ამას ვერ ვუპასუხებ. მინდა ვთქვა, რომ ყოველდღიურ რეჟიმში ხორციელდება მთელი რიგი ღონისძიებებისა. გვაქვს კონკრეტული გეგმა, რაც უახლოეს დროში არის გასაკეთებელი ამ მხრივ და აქედან გამომდინარე, ოპტიმიზმის საფუძველიც გვაქვს, რომ ის შედეგს მოიტანს. მაგრამ თუ დავსვამთ კითხვას, როდის იქნება ეს, ამაზე პასუხის გაცემა ვერც ერთ პროკურორს ვერ შეეძლება იმიტომ, რომ მთელი რიგი ღონისძიებები, რაც ხორციელდება, მათ შორის საკითხის ექსპერტული შესწავლა საჭიროებს დასკვნების დადებას, მათ გარკვეული დრო სჭირდებათ და იმ დასკვნების შედეგბზე სხვა შენობა უნდა აშენდეს,"- განაცხადა არჩილ კბილაშვილ
