დღეს, 24 თებერვალს, ფინანსთა სამინისტრო ერთიანი სატრანსპორტო ადმინისტრაციის საზღვაო აკადემიას საკუთრებაში გემს გადასცემს. ამის შესახებ ერთიან სატრანსპორტო ადინისტრაციაში აცხადებენ.
გემის გადაცემის ცერემონია ფოთში გაიმართება. მას საზღვაო აკადემიისა და ფინანსთა სამინისტროს წარმომადგენლები, ასევე ერთიანი სატრანსპორტო ადმინისტრაციის ხელმძღვანელი გიორგი ბოკუჩავა დაესწრება. გემის გადაცემასთან დაკავშირებით გაფორმდება მიღება-ჩაბარების აქტი.
მშრალტვირთმზიდი გემი თურქეთის დროში ქვეშ ცურავდა. ქართულმა მხარემ იგი საქართველოს ტერიტორიულ წყლებში უკანონო შემოსვლისთვის დააკავა. სასამართლო პროცესების შემდეგ გემი თურქულ მხარეს ჩამოერთვა.