სამშვიდობო ოპერაციებში გაეროს გენერალური მდივნის თანაშემწის ჰერვ ლადსუს განცხადებით, მალის სამშვიდობო მისიაში გაეროს 12 600 წარმომადგენელი ჩაერთვება, რომელთა მიზანი მოქალაქეებისა და კულუტურლი ძეგლების დაცვას წარმოადგენს. მისივე თქმით აღნიშნული ქმედება, ქვეყანაში კონსტიტუციური წესრიგის დამყარებასა და მართვას ხელს შეუწყობს.
მალიში გაეროს წარმომადგენელთა ჩართულობის რეზოლუცია საფრანგეთმა შეიმუშავა. მალის სამშვიდობო მისიაში გაეროს წარმომადგენლების ჩართვა 1 ივნისიდან დაიწყება.
შეგახსენებთ, რომ საფრანგეთს მალიში 4000 ჯარისკაცი ჰყავს გაგზავნილი, რომლებიც ადგილობრივ სამართალდამცავებს ქვეყნის ჩრდილოეთ ნაწილში ისლამისტების წინააღმდეგ ბრძოლაში ეხმარებიან.