ისრაელის გენერალური პროკურორის განცხადებით, ქვეყანაში აეროპორტის უსაფრთხოების თანამშრომლებს უფლება ეძლევათ, ტურისტების პირადი ელექტრონული ფოსტა შეამოწმონ და ამის მიხედვით მოხდეს მათი ქვეყანაში შესვლა ან უკან დეპორტაცია.
გენერალური პროკურორის განმარტებით, ეს იქნება გამონაკლისი შემთხვევა, რომელსაც უსაფრთხოების თანამშრომლები ჩათვლიან საჭიროდ. მაგრამ თუ ტურისტმა ელექტრონული ფოსტის შემოწმებაზე უარი განაცხადა, აუცილებლად სხვა გზა გამოინახება იმისთვის, რომ უსაფრთხოების ნორმები მაღალ დონეზე იყოს დაცული.
ადამიანის უფლებადადამცველი ორგანიზაციები კი ამ ქმედებას პირად ცხოვრებაში უხეშად ჩარევად აფასებენ.