სირიის ქალაქ ალეპოში შეტაკებების შედეგად მე-12 საუკუნის ისლამური სამყაროს ერთ-ერთ ულამაზესი მეჩეთის მინარეთი დაინგრა. მეჩეთი მისი ღირებულებიდან გამომდინარე, „იუნესკოს" მსოფლიოს კულტურულ მემკვიდრეობათა სიაშია შესული.
გავრცელებული ინფორმაციით, მე-12 საუკუნის მეჩეთის მინარეთი ამბოხებულებმა დაანგრიეს, თუმცა თავის მხრივ ამბოხებულები აღნიშნავენ, რომ ჩამონგრევა სირიის სახელმწიფო ტანკების იერიშმა გამოიწვია.
შეგახსენებთ, რომ სირიაში ადგილობრივ ხელისუფლებასა და ამბოხებულებს შორის სამოქალაქო ომი მიმდინარეობს, რომელსაც თან რელიგიური ომიც ერთვის. ერთმანეთს სუნიტები და შიიტები ებრძვიან. რელიგიურ ნიადაგზე დაპირისპირებული ძირითადად ერთმანეთის სალოცავებს აფეთქებენ.