ჩინეთში მიწისძვრის შემდეგ, მეხუთე დღეს მაშველებმა ნანგრევებიდან 78 წლის მამაკაცი ამოიყვანეს. მისი ვინაობა არ დასახელებულა, თუმცა გავრცელებული ინფორმაციით მისი ჯანმრთელობის მდგომარეობა სტაბილური იყო.
სიჩუანის პროვინციაში სამაშველო პროცესები ამ დრომდე მიმდინარეობს, თუმცა ნანგრევების ქვეშ მოყოლილი ადამიანებიდან, 78 წლის მამაკაცის ცოცხლად გადარჩენა პირველი შემთხვევა არის.
შეგახსენებთ, რომ 20 აპრილს ჩინეთის პროვინცია სიჩუანში 7 ბალიანი მიწისძვრის შედეგად 196 ადამიანი დაიღუპა, ათეულობით დაკარგულად ითვლება, ხოლო ათასობით მოქალაქემ სხეულის მძიმე დაზიანება მიიღო.
