საფრანგეთის პროკურატურამ დაიწყო გამოძიება ჟურნალ Closer-ის მფლობელისა და ფოტოგრაფის წინააღმდეგ, სისხლის სამართლის სარჩელთან დაკავშირებით, რომელიც პირადი ცხოვრების ხელშეუხებლობას ეხება. საქმე უკავშირდება კემბრიჯის ჰერცოგინიას კეიტ მიდლტონის ნახევრადშიშველი ფოტოების გამოქვეყნებას.
ფოტოები გასული წლის სექტემბერშია გადაღებული, როდესაც კეიტი მეუღლესთან ერთად საფრანგეთის სამხრეთით, ერთ-ერთ კურორტზე ისვენებდა.
ფოტოები გამოქვეყნების შედეგ შვედეთის, დანიის, ფინეთის, ირლანდიის და იტალიის ტაბლოიდებშიც დაიბეჭდა. ბევრ ქვეყანაში და მათ შორის დიდ ბრიტანეთში ფოტოები არც ერთ გამოცემას არ დაუბეჭდავს.
გასული წლის სექტემბერშივე საფრანგეთის სასამართლომ დააკმაყოფილა სამოქალაქო სარჩელი, რომლითაც მას უფლისწულმა უილიმმა და კეიტმა ჟურნალ Closer-ის წინააღმდეგ მიმართეს.
სარჩელის მიხედვით ჟურნალს უნდა გადაეხადა 5 ათასი ევრო და ფოტოების ყველა ელექტრონული ვერსია.
