ბოსტონის ტერაქტში ბრალდებულმა ჯოხარ ცარნაევმა განმარტა, რომ ტერაქტის მოწყობაში მონაწილეობაზე აშშ-ს მიერ ერაყსა და ავღანეთში წარმოებული ომების გამო შურისძიების მიზნით დათანხმდა. ინფორმაციას ამის შესახებ The Washington Post-ი ავრცელებს.
ჯოხარ ცარნაევმა აღიარა თავის მონაწილეობა 15 აპრილს მომხდარ აფეთქებებში, რომლის შედეგადაც სამი ადამიანი დაიღუპა და 250-ზე მეტმა სხვადასხვა სახის დაზიანება მიღო.
"19 წლის ბრალდებულმა განუმარტა გამოძიებას, რომ ამ ნაბიჯის გადადგმისკენ მას და მის ძმას აშშ-ის მიერ ერაყსა და ავღანეთში წარმოებულმა ომებმა უბიძგა", - წერს გამოცემა.
აშშ-ის პოლიცია მიჩნევს, რომ ძმები არ ყოფილან რომელიმე ტერორისტული დაჯგუფებების წევრები და მათი რადიკალური შეხედულებები ექსტრემისტულმა ინტერნეტსაიტებმა განაპირობა.
