25 აპრილს 08:00 საათიდან 18:00 საათამდე, ჩრდილოეთ-სამხრეთის მაგისტრალური გაზსადენის, გარდაბნის მონაკვეთზე მილის დაზიანების გამო, რუსეთიდან სომხეთში გაზის ტრანზიტი დროებით შეწყდება.
გაზსადენის ოპერატორი - "საქართველოს გაზის ტრანსპორტირების კომპანია" დაზიანების სალიკვიდაციო სამუშაოებს აწარმოებს. სალიკვიდაციო სამუშაოების დასრულებისთანავე სომხეთს გაზის მიწოდება აღუდგება.
დაგეგმილი სამუშაოების შესახებ სომხური მხარე ინფორმირებულია.
