ეგვიპტის დედაქალაქ ქაიროში, მთავარ საკათედრო ტაძართან ქრისტიანებსა და მუსლიმებს შორის მომხდარ შეტაკებას ერთი ადამიანი ემსხვერპლა, ხოლო 80-მდე კი დაშავდა. ამის შესახებ ინფორმაციას "ბიბისი" ავრცელებს.
გავრცელებული ინფორმაციით წმ. მარკის ტაძართან შეტაკება, ოთხი ქრისტიანი კოპტის დაკრძალვას მოჰყვა. მუსლიმთა განცხადებით, დაპირისპირებამდე ქრისტიანები „მუსლიმთა საძმოსა" და ეგვიპტის პრეზიდენტ მოჰამედ მურსის საწინააღმდეგო ლოზუნგებს სკანდირებდნენ, რამაც მათი აღშფოთება გამოიწვია.
ქრისტიანებისა და მუსლიმების შეტაკება, ადგილობრივმა პოლიციამ ცრემლსადენი გაზის მეშვეობით დაშალა. ინციდენტთან დაკავშირებით საკუთარი მოსაზარება ქვეყნის პრეზიდენტმაც დააფიქსირა, მოჰამედ მურსიმ აღნიშნული ინციდენტი უარყოფითად შეაფასა.