საქართველოს ფინანსთა მინისტრი, ნოდარ ხადური რეგიონებში დაგეგმილი შეხვედრების ფარგლებში, 14 მარტს, სამუშაო შეხვედრებს ფოთში მართავს, სადაც გაეცნობა რეგიონში მიმდინარე ინფრასტრუქტურულ პროექტებს, ფინანსთა სამინისტროს სამსახურების მუშაობას, შეხვდება ადგილობრივ ხელისუფლებას.
ფინანსთა მინისტრთან, ნოდარ ხადურთან ერთად შეხვედრებში მონაწილეობას მიიღებენ ფოთის მაჟორიტარი დეპუტატი ეკა ბესელია, შემოსავლების სამსახურის უფროსი ლაშა ხუციშვილი, მომსახურების სააგენტოს უფროსი გიორგი ჯავახიშვილი, ქ.ფოთის მერი დავით სარსანია.
12:00 საათზე ფინანსთა მინისტრი შეხვედრას გამართავს ქ.ფოთის მერიაში. (აღმაშენებლის#12) შემდეგ, მაჟორიტარ დეპუტატთან ერთად დაათვალიერებს ფოთის თეატრს, სპორტკომპლექსის სამშენებლო სამუშაოებს, სტადიონ „კოლხეთს," ზღვის სანაპირო ზოლს. ნოდარ ხადური შეხვედრებს გამართავს ფოთის გეზში, შეხვდება ფოთის პორტში საბაჟოს, ასევე საგამოძიებო სამსახურის ფოთის რეგიონალური სამმართველოს თანამშრომლებს.
14:00 საათზე ფოთში ფინანსთა მინისტრი ნოდარ ხადური და მომსახურების სააგენტოს გენერალური დირექტორი გიორგი ჯავახიშვილი ახალ საბითუმო/საცალო მაღაზიას გახსნიან (ფარნავაზ მეფის ქუჩა #6)
მასალის გამოყენების პირობები
