"ნაციონალურმა მოძრაობამ" დაიწყო იმით, რომ ქვეყანაში არის საბიუჯეტი კრიზისი, მერე სტაგნაცია და ახლა აღმოჩნდა , რომ ეკონომიკური ზრდა მხოლოდ 5 %-ი გვექნება. "მორგან სტენლის" გარდა ძალიან ბევრი ინსტიტუტი აქვეყნებს პროგნოზებს მათ შორის შორის პროგნოზებს, რომელსაც ემყარება საქართველოს ფინანსთა სამინისტროც, საკუთარ გათვლებთან ერთად. მე მინდა დაგარწმუნოთ, რომ 2013 წელს ეკონომიკური ზრდა მინიმუმ 6 %-ი იქნება და ბიუჯეტის დეფიციტი არ გადააჭარბებს 2,8 %-ს"- განმარტავს ნოდარ ხადური.
შეგახსენებთ, რომ "მორგან სტენლის" მიერ გამოქვეყნებულ მონაცემებში აღნიშნულია, რომ მთლიანი შიდა პროდუქტის ზრდა 2012 წლის მეოთხე კვარტალში მკვეთრად შემცირდა და დეკემბერში ნეგატიური -0.8% შეადგინა. მთლიანად 2012 წელს მშპ-ის ზრდა ნაცვლად დაგეგმილი 6,7%, სულ 6,1% იყო. მართალია, იანვარში ვითარება რამდენადმე გაუმჯობესდა, მაგრამ ზრდის სტაბილურობა კითხვის ნიშნის ქვეშ დგას. 2013 წლის ზრდის პროგნოზს 5,6%-დან 5%-მდე ვამცირებთ.
ბიუჯეტი დაგეგმილია 7%-იანი ეკონომიკური ზრდის ოპტიმისტური პროგნოზით. ჩვენ ვხედავთ საფრთხეს, რომ დაგეგმილი შემოსავლები ვერ შეგროვდება და ქვეყნის ფისკალური დეფიციტი დაგეგმილი 2,8% ნაცვლად, მშპ-ის 3,5% მიაღწევს.