ფინანსთა მინისტრის განმარტებით, საბანკო სექტორს ყველა პირობა აქვს იმისათვის, რომ სესხებზე საპროცენტო განაკვეთმა დაიწყოს და როგორც მინისტრი განმარტავს, პროცესი ნაწილობრივ უკვე დაწყებულია კიდეც.
"ბანკირებთან ძალიან საინტერესო და ღია საუბარი გვქონდა. მეწარმეები არიან დაინტერესებულნი, რომ საპროცენტო განაკვეთები შეამცირონ, რასაც გარკვეული წინაპირობები სჭირდება. საპროცენტო განაკვეთების შემცირების პროცესი უკვე დაწყებულია, ყოველ შემთხვევაში ის ინფორმაცია, რომელიც მე მაქვს ასეთი დასკვნის გაკეთების შესაძლებლობას იძლევა. ძალიან მნიშვნელოვანია სამომხმარებლო სესხებზე საპროცენტო განაკვეთების დაწევა ასევე მნიშვნელოვანია, ბიზნესსესხები. როგორც იცით, რამდენიმე საინვესტიციო ფონდი შეიქმნება საქართველოში რომელიც ხელს შეუწყობს იმას რომ ინვესტიციები განხორციელდეს შედარებით დაბალი საპროცენტო განაკვეთებით"- განაცხადა ნოდარ ხადურმა. მისივე განმარტებით, პროცესის ხელშემშლელი ფაქტორები ფაქტობრივად აღარ არსებობს. "მაღალი ინფლაცია ხელშემშლელი ფაქტორი ვერ იქნება, ასევე მოხსნილია პოლიტიკური ზეწოლა და რისკებიც მინიმალურია"- აცხადებს ხადური.
