სასტუმრო „რედისონში" "ნატახტარის ლიმონათის" ახალი ლოგოს და შეფუთვის პრეზენტაცია გაიმართა.
ლიმონათის რებრენდინგთან დაკავშირებული სიახლეები მედიის წარმომადგენლებს კომპანია „ნატახტარის" მარკეტინგის დირექტორმა თორნიკე ნიკოლაიშვილმა გააცნო.
ლოგოს და შეფუთის პრეზენტაციის შემდეგ კი, ლიმონათის ახალი სარეკლამო რგოლის პრეზენტაციაც მოეწყო და დამსწრე საზოგადოების მოწონება დაიმსახურა.
ნიკოლაიშვილმა პრეზენტაციაზე მოწვეულ ჟურნალისტებს კომპანიის მიღწევებსა და ბრენდის უპირატესობაზეც ესაუბრა. მისი თქმით, გაყიდვებს მოცულობა გაზრდილია და კომპანიის პროდუქცია წარმტებით გადის როგორც შიდა, ასევე უცხოურ ბაზრეზბზე, განსაკუთრებით კი, პოსტსაბჭოთა სივრცეში.
2012 წლის მონაცემებით, "ნატახტარის ლიმონათის" ექსპორტი 33%-ით გაიზარდა. მისი ზრდა არსებულ ბაზრებზე პოზიციების გამყარებითა და ახალ ბაზრებზე შესვლით არის განპირობებული.
აღსანიშნავია, რომ კომპანიის საექსპორტო მონაცემები 2011 წელსაც (2010-თან შედარებით) იგივე მაჩვენებლით გაიზარდა, რაც მიანიშნებს იმაზე, რომ ლიმონათის ექსპორტი სტაბილურად მზარდია.
კვლევები ადასტურებს, რომ საექსპორტო ქვეყნებში, ისევე როგორც საქართველოში, "ნატახტარის ლიმონათი" სუფრის განუყოფელი ატრიბუტი გახდა. "ნატახტარის ლიმონათის" საზღვარგარეთ გატანა 2006 წლიდან ხორციელდება. 2012 წელს მისი ექსპორტი პერმანენტულად მსოფლიოს 20 ქვეყანაში ხდებოდა.
,,ჩვენი ნაწარმის საერთო გაყიდვების 40% ექსპორტზე მოდის. 2011 წლის სექტემბრიდან ,,ნატახტარი" რუსეთის ბაზარზეა, რაც კომპანიის საქმიანობაში მნიშვნელოვანი ეტაპია. ექსპორტისთვის ყველაზე მომგებიანად კვლავ პოსტსაბჭოთა სივრცე რჩება, განსაკუთრებით, აზერბაიჯანი, სომხეთი და უკრაინა, სადაც ,,ნატახტარის" ცნობადობა მაღალია. სიამაყით შემიძლია ვთქვა, რომ აზერბაიჯანში ,,ნატახტარის" ლიმონათის გარეშე სუფრა არ იშლება, იქ ჩვენი ბრენდი მოწინავე პოზიციაზეა.
ლიმონათი თაროებზე კვირის ბოლოდან გამოჩნდება. ვიმედოვნებთ, რომ ამით ჩვენი პოზიციები გამყარდება, როგორც მიმდინარე, ასევე პოტენციურ ბაზრებზეც", - განაცხადა თორნიკე ნიკოლაიშვილმა.
მისივე განმარტებით, ახალ შეფუთვაზე 10 თვის განმავლობაში მუშაობდნენ. ჩატარდა კვლევები და შეფუთვის ახალი დიზაინი მომხმარებლის დაკვეთის შესაბამისად გაკეთდა.
,,ნატახტარის ლიმონათი~, ყველასათვის საყვარელო ბრენდი, სახეს იცვლის. ჩვენს საქმიანობაში ეს ეტაპი ერთ-ერთი საუკეთესოა.
თუმცა, შეიცვალა მხოლოდ შეფუთვა. ხარისხი უმაღლესია და იგივე დარჩა. ზოგადად, როდესაც ბრენდი წარმატებულია და ყველაფერი კარგად მიდის, ცვლილებებს ნაკლებად ახორციელებენ. ჩვენს შემთხვევაში კი, რებრენდინგი სხვა ფაქტორის გამო გახდა აუცილებელი. ამ ცვლილების გატარება, გარკვეულწილად, მომხმარებლის მოთხოვნამ განაპირობა, ეს მათი სურვილი იყო. ბოთლი არის ექსკლუზიური. ფაქტობრივად, ინდუსტრიაში ახალი სტანდარტი დავამკვიდრეთ", - განმარტა ნიკოლაიშვილმა.
რაც ამ ცვლილებამ გამოიწვია, მისივე თქმით, ინვესტიციის მოცულობის ზრდაა, რაც ნამდვილად ღირდა. ,,ყველა ეტაპი, შუშის ბოთლიდან დაწყებული, შესაბამისი კვლევის შედეგადაა გავლილი. ამ პროცესში ჩვენი მომხმარებლის შეხედულებები მაქსიმალურად გავითვალისწინეთ. შეიძლება ითქვას, საბოლოო სათქმელი მან თქვა. თავის მხრივ კი, განხორციელებული ცვლილება ბაზარზე კონკურენციის ზრდასაც მნიშვნელოვნად შეუწყობს ხელს. ეს პროცესი ქართული სასმელების ბაზრისთვის ისედაც ჯანსაღია. ამიტომ კონკურენციის მატებას (ბიზნეს ეთიკის ფარგლებში) მხოლოდ და მხოლოდ მივესალმებით. ეს მთავარი მუხტია, რომელიც კმაყოფილების უფლებას არ იძლევა და მუდმივად ფორმაში გვამყოფებს", - დასძინა კომპანიის მარკეტინგის დირექტორმა.
მარკეტინგის დირექტორის ინფორმაციით, ნატახტარის ლიმონათი სულ უფრო მეტი მოწონებით სარგებლობს 20 სხვადასხვა ქვეყანაში და ეს ექსპორტის ზრდის მაჩვენებელზეც აისახება.
ამდენად, ვიმედოვნებ "ნატახტარის ლიმონათი" ყველა სუფრას დაამშვენებს იქნება ეს საქართველო თუ ის ქვეყანა სადაც ვახორციელებთ ლიმონათის ექსპორტს.
ლიმონათი არის ისეთი პროდუქტი, რომელიც გვაძლევს საშუალებას გვქონდეს "ნატახტარის ფონდი" და ამით დავეხმაროთ მზრუნველობამოკლებულ მოზარდებს.
