შსს-ს ყოფილი მაღალჩინოსნების ძვირადღირებულ ავტომობილებს აუქციონზე ხელმეორედ გაიტანენ. ფინანსთა მინისტრის ნოდარ ხადურის განმარტებით, პირველი აუქციონი გუშინ იყო ჩანიშნული, თუმვა ვაჭრობა არ გამართულა, რადგანაც მომსახურეობის სააგენტოში სათანადო განაცხადი არავის წარუდგენია. ნოდარ ხადურის განმარტებით, ამ ავტომობილების გასასხვისებლად ხელმეორე აუქციონი დაახლოებით 10 დღეში გამოცხადდება.
"არც ერთი ავტომობილი არ გაყიდულა. რადგანაც არ შემოსულა განაცხადები. დაახლოებით 2 კვირა დაგვჭირდენბა იმისათვის რომ შევისწავლოთ და შევაფასოთ ავტომობილები და როცა ფასებში გავრეკვევით ალბად ხელმწორედ გამოცხადდება აუქციონი"- განაცხადა ნოდარ ხადურმა.
შეგახსენებთ, რომ ფინანსთა სამინისტროს მომსახურების სააგენტომ შინაგან საქმეთა სამინისტროს ბალანსზე არსებული 50-მდე ძვირადღირებული ავტომობილმ აუქციონზე გაიტანა. უნდა აღინიშნოს, რომ გასასხვისებელი ავტომობილებიდან რამდენიმე მოქალაქემ საკუთარი ავტომობილი ამოიცნო. მათი თქმით, მანქანები ძველი ხელისუფლების დროს უკანონოდ გადააფორმებინეს.
