ძველი ფილიალი რუსთაველის გამზირზე, 16 ნომერში მდებარეობდა და 2006 წლიდან 4000-ზე მეტ კლიენტს ემსახურებოდა. ახალ მისამართზე კი კლიენტებს საშუალება ეძლევათ, მომსახურება უფრო სწრაფად, ერთ ოპერატორთან, კომფორტულ და მოსახერხებელ გარემოში შეასრულონ.

თანამედროვე დიზაინითა და უახლესი სტანდარტებით მოწყობილი სერვის პუნქტი კლიენტებს ორშაბათიდან პარასკევის ჩათვლით, 09:30 საათიდან 17:30 საათამდე მოემსახურება. შეგახსენებთ, რომ პროკრედიტ ბანკის ფილიალების განახლება, ახალი კონცეფციის, "მომსახურება ერთ წერტილში" მიხედვით ხორციელდება, რაც კლიენტებისათვის ოპერაციების გაცილებით უფრო სწრაფად შესრულებას უზრუნველყოფს.
2013 წლის გეგმებში პრიორიტეტად სწორედ დარჩენილი ფილიალების სრულად განახლება სახელდება. ორი კვირის წინ გამართულ სამეთვალყურეო საბჭოს შეხვედრაზე გადაწყდა, რომ დარჩენლი ფილიალების წელს განახლებაში 7 მილიონი დოლარის ინვესტიცია განხორციელდება.

"ახალ მისამართზე გადმოსვლა მომსახურების გაუმჯობესების კუთხით კიდევ ერთი წინ
გადადგმული ნაბიჯია. განახლებული ინტერიერი და დიზაინი თანამშრომლებისათვს დამატებითი მოტივაცია ხოლო კლიენტებისათვის სწრაფი მომსახურების მიღების შესაძლებლობაა. ჩვენ მაქსიმალურად ვცდილობთ გავამარტივოთ პროცედურები და კლიენტებს მაღალი ხარისხის მომსახურება სასიამოვნო გარემოში გავუწიოთ", - აცხადებს პროკრედიტ ბანკის რუსთაველის სერვის პუნქტის კოორდინატორი მარიკა დათუნაიშვილი.
.