გაზზე ტარიფის შემცირება „საქართველოს ნავთობისა და გაზის კორპორაციის" შემოსავლების ხარჯზე მოხდა. როგორც ნავთობისა და გაზის კორპორაციის გენერალური დირექტორი დავით თვალაბეიშვილი განმარტავს, საქართველოს მთავრობის გადაწყვეტილებით, 2013 წლის 1 მარტიდან საქართველოში მოსახლეობისათვის მიწოდებული ბუნებრივი გაზის ფასი კუბურ მეტრზე 5 თეთრით შემცირდება.
"ტარიფის შემცირება შესაძლებელი გახდა „საქართველოს ნავთობისა და გაზის კორპორაციის" შემოსავლების ხარჯზე. კერძოდ, „საქართველოს ნავთობისა და გაზის კორპორაციამ" შეამცირა კომპანია „სოკარ გაზ ექსპორტ იმპორტისთვის" და შესაბამისად, ბუნებრივი გაზის სადისტრიბუციო კომპანიებისათვის მისაყიდი გაზის ფასი, რაც შესაძლებლობას იძლევა, რომ ქვეყნის მოსახლეობამ შემცირებულ ფასად მიიღოს ბუნებრივ გაზი"- აცხადებს დავით თვალაბეიშვილი
მასალის გამოყენების პირობები
