საქართველოს საპატრიარქო მისესალმება, რომ ინიციატივას ინტერრელიგიური სამუშაო ჯგუფი შექმნის შესახებ რელიგიური გაერთიანებები იზიარებენ. როგორც საპატრიარქოს მიერ გავრცელებულ განცხადებაშია აღნიშნული ,,საქართველოს მართლმადიდებელი ეკლესია მხარს უჭერს სხვადასხვა რელიგიების წარმომადგენლებთან როგორც ჩვენი საერთო ინტერესების მქონე, ისე პრობლემურ საკითებზე ურთიერთპატივისცემისა და დიალოგის რეჟიმში მუშაობის პრინციპს. ამიტომაც საქართველოს საპატრიარქო 2010 წელს გამოვიდა ინიციატივით, შექმნილიყო ინტერრელიგიური სამუშაო ჯგუფი, რომელიც აღნიშნულ თემებს განიხილავდა.
მისასალმებელია, რომ ეს ინიციატივა გაზიარებულ იქნა რელიგიური გაერთიანებების მიერ. ჯგუფი, რომელსაც კოორდინაციას არასამთავრობო ორგანიზაცია კავშირი ,,21-ე საუკუნე~ უწევს, უკვე ორ წელიწადზე მეტია ფუნქციონირებს და საქართველოში მოღვაწე ძირითად რელიგიურ სპექტრს აერთიანებს. სხდომებში ქვეყნის საკანონმდებლო და აღმასრულებელი ხელისუფლების წამომადგენლებიც იღებენ მონაწილეობას.
ეს წარმოადგენს სრულფასოვანი ინტერრელიგიური დიალოგის პირველ პრეცედენტს საქართველოში და მიგვაჩნია, რომ ამ საქმიანობის გაგრძელება და შემდგომი გაღრმავება დიდად შეუწყობს ხელს ჩვენი ქვეყნის შემდგომ განვითარებას.", _ნათქვამია საპატრიარქოს განცხადებაში.
