ჰილარი კლინტონი პოსტზე ჯონ კერიმ შეცვალა. კლინტონის უკანასკნელი თვეები პოლიტიკოსის ჯანმრთელობის პრობლემების და ბენღაზიში აშშ-ის ელჩის მკვლელობის შემდგომი კრიზისის ფონზე წარიმართა.
პოსტზე ყოფნის დროს, სახელმწიფო მდივანმა 112 ქვეყანა მოინახულა. თავის გამოსვლაში კლინტონმა თურქეთში, ანკარაში აშშ-ს საელჩოსთან მომხდარი აფეთქებაც ახსენა და მას ტერაქტი უწოდა.
მე ვამაყობ იმ სამუშაოთი, რომელიც ერთად გავწიეთ - მიმართა კლინტონმა სახელმწიფო დეპარტამენტის თანამშრომლებს. რა თქმა უნდა, ჩვენ ვცხოვრობთ ძალიან რთულ და სახიფათო დროში, ამაში კი იმანაც დაგვაწრმუნა, რაც ანკარაში, ჩვენს საელჩოშო მოხდა, აღნიშნა კლინტონმა. თუმცა, მისი განცხადებით, ის პოსტს გაცილებით ოპტიმისტური განწყობით ტოვებს, ვიდრე 2009 წელს იყო, ფიცის მიღებისას.
პირველად, კლინტონმა ოფიციალურად განაცხდა თავისი გადადგომის შესახებ წერილში, რომელიც მან აშშ-ის პრეზიდენტ, ბარაკ ობამას მისწერა. წერილში კლინტონმა აღნიშნა, რომ ამ დროისათვის ის ყველაზე მეტად არის დარწმუნებული, აშშ-ის, როგორ მსოფლიო ლიდერობაში, ისე მის პოტენციალში, როგორც სიკეთის მომტანი ძალისა.
ბევრი თვლის, რომ 65 წლის ყოფილი პირველი ლედი, შესაძლოა, პრეზიდენტობას უმიზნებს, თუმცა, კლინტონს 2016 წლის გეგმები ჯერ არ გაუჟღერებია. კლინტონის სახელმწიფო მდივნის პოსტზე ყოფნა ლიბიაში, ბენღაზიში აშშ-ის საელჩოზე თავდასხმითაც დაამახსოვრდებათ, რომლის დროსაც ელჩი და სამი სხვა ამერიკელი დაიღუპა. მაშინ მან უსაფრთხოების სისტემაში ნაკლოვანებების გამო ბოდიშიც მოიხადა.
