დავით დარახველიძე აგრძელებს საერთაშორისო დონორ და პარტნიორ ორგანიზაციებთან შეხვედრას. ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ გერმანიის განვითარებისა და რეკონსტრუქციის ბანკის ხელმძღვანელთან საქართველოში ლარს ორმანთან სამუშაო შეხვედრა გამართა. საუბარი ძირითადად დევნილი მოსახლეობისთვის დაგეგმილ და მიმდინარე მშენებლობებს შეეხო.
დავით დარახველიძემ სტუმარს მადლობა გადაუხადა იმ მხარდაჭერისთვის, რასაც გერმანიის მთავრობა საქართველოსთვის და კერძოდ დევნილი მოსახლეობისთვის აკეთებს. მინისტრმა ლარს ორმანს ის პრობლემებიც გააცნო, რაც ჯერ კიდევ მოსაგვარებელია და აღნიშნა, რომ მეგობარი ქვეყნების მხარდაჭერა ისევ საჭიროა.
მინისტრის თქმით, რეგისტრირებული 90 000 დევნილი ოჯახიდან საცხოვრებელი ფართობით დაკმაყოფილებულია მხოლოდ 25 000 ოჯახი, დანარჩენი 65 000 ოჯახი კი ჯერ კიდევ მოლოდინის რეჟიმშია. მინისტრის თქმით, 65 000-დან 40 000-სს საცხოვრებელი ფართის გადაუდებელი საჭიროება გააჩნია.
„საკმაოდ საინტერესო შეხვედრა შედგა. სამწუხაროდ უნდა ავღნიშნო, რომ ცოტა გაჭიანურდა ზუგდიდში 8 კორპისის მშენებლობის დაწყება. ეს ალბათ რეგიონული გავითარების სამინისტროს საკითხია და იმედი მაქვს, პროცესი მალე დაიწყება, რომელიც გულისხმობს 280 ბინის მშენებლოვას. ასევე ვისაუბრეთ, სამომავლო თანამშრომლობაზე, რომელიც საჭიროა დევნილთა პრობლემების გადასაჭრელად."
როგორც ლარს ორმანმა აღნიშნა, სამომავლო თანამშრომლობის საკითხი მას შემდეგ გაირკვევა, რაც დასრულებული პრექტები შეფასდება. მისივე თქმით, შესაძლებელია დახმარების გაგრძელება. ეს ყველაფერი კი მაისში 2 ქვეყანას შორის დაგეგმილ შეხვედრაზე გადაწყდება: „გერმანიის მთავრობამ გამოყო 10 მილიონი დოლარი საქართველოში დევნილებისთვის საცხოვრებელი ფართით უქრუნველყოფის მიზნით. პროექტი წარმატებით მიმდიანრეოს ფოთში, ზუგდიდში, ქუთაისსა და წყალტუბოში. რაც შეეხება მომავალ თანამშრომოლობას, დამოკიდებულია საქართველო-გერმანიას შორის მოლაპარაკებაზე."
გერმანიის ფედერაციული რესპუბლიკა საქართველოს ერთ-ერთი მნიშვნელოვანი პარტნიორია. დაგეგმილი პროექტის ერთ-ერთი ნაწილის ზუგდიდში 280 ბილიანი 8 კორპუსის აშენება.
