თავდაცვის ყოფილი მინისტრის ირაკლი ოქრუაშვილის და იოსებ გიგუაშვილისთვის პროკურატურამ აღმკვეთი ღონისძიების სახით გირაოს 10-10 ათასი ლარის ოდენობით შეფარდება მოითხოვა.
დააკმაყოფილებს თუ არა მოსამართლე პროკურატურის შუამდგომლობას 10 იანვარს, 14:00 საათზე გახდება ცნობილი.
პროკურორმა ელიზბარ გოზალიშვილმა პატიმრობის გაუქმება იმ მოტივით მოითხოვა, რომ საქმეზე ძირითადი მოწმეები დაიკითხნენ და ბრალდებულების მხრიდან მათზე ზემოქმედების საფუძველი აღარ არსებობს.
როგორც პროკურორმა განმარტა მათ გირაოს შეფარდება მხოლოდ ორ ბრალდებულზე იმიტომ მოითხოვეს, რომ ისინი გამოძიებაში საკუთარი ნებით გამოცხადდენენ, ხოლო დანარჩენი ბრალდებულები კი დააკავეს.
პროკურატურის შუამდგომლობას დაცვის მხარეც დაეთანხმა, ირაკლი ოქრუაშვილის ადვოკატის ზვიად კორძაძის განცხადებით ოქრუაშვილის აღმკვეთი ღონისძიება მთლიანად უნდა გაუქმდეს, თუმცა მათ სასამართლოს ალტერნატივად 2 ათას ლარიანი გირაო შესთავაზეს.
ირაკლი ოქრუაშვილს წინასწარი პატიმრობა კიდევ ერთ ბრალდებაზე აქვს შეფარდებული, ხოლო რაც შეეხება იოსებ გიგუაშვილს სხვა ბრალდება მას წაყენებული არ აქვს. რაც იმას ნიშნავს, რომ შუამდგომლობის დაკმაყოფილების შემთხვევაში იგი პატიმრობიდან გათავისუფლდება.
