თამაზ ელიზბარაშვილის ადვოკატის, ია სირანაშვილის მიმართ შესაძლო ძალადობის ფაქტზე გამოძიება დაიწყო. ინფორმაციას პროკურატურა ავრცელებს.
"შინაგან საქმეთა სამინისტროს თანამშრომელთა მხრიდან ადვოკატ ია სირანაშვილის მიმართ განხორციელებული შესაძლო ძალადობის ფაქტთან დაკავშირებით, გამოძიება სამსახურებრივი უფლებამოსილების ძალადობით გადამეტების ფაქტზე დაიწყო, დანაშაული გათვალისწინებული საქართველოს სსკ-ის 333-ე მუხლის მესამე ნაწილის „ბ“ ქვეპუნქტით.
სისხლის სამართლის საქმეზე ჩატარდება ყველა საჭირო საგამოძიებო და საპროცესო მოქმედებები, რომლის შედეგების შესახებ დამატებით ეცნობება საზოგადოებას", - აცხადებს პროკურატურა.
თამაზ ელიზბარაშვილი საკუთარ ბინაში ჩხრეკისას ადმინისტრაციული წესით 1-ელ სექტემბერს დააკავეს. ჩხრეკას ესწრებოდა ადვოკატი ია სირანაშვილი. მისი თქმით, პოლიციელებმა ელიზბარაშვილის ბინა ძალის გამოყენებით დაატოვებინეს და მასძე იძალადეს.
