დეპრესია შეიძლება ნაკლებად დაემართოს ქორწინებაში მყოფ ქალებს, იმათთან შედარებით, ვინც მარტოხელაა ან ცხოვრობს მამაკაცთან ვინც სამოქალაქო ქორწინებაშია.
სწორედ ამის შესახებაა საუბარი კანადის ტორონტოს უნივერსიტეტის სპეციალისტების მიერ ჩატარებულ ექსპერიმენტში. კანადელი მეცნიერების მიერ ჩატარებულ კვლევებში მონაწილეობდა 6 ათასი ქალი.
დაოჯახებული ქალები ათიდან ერთ შემთხვევაში ვარდებიან დეპრესიაში მშობიარობის შემდეგ, მაშინ როცა არარეგისტრირებულ ქორწინებაში მყოფი ქალები იტანჯებიან დეპრესიით 20% შემთხვევაში, ხოლო მარტოხელა ქალებში ეს მაჩვენებელი 35% აღწევს.
გარდა ამისა, არარეგისტრირებული თანაცხოვრებისას ქალები გაცილებით ხშირად ხდებიან ძალადობის მსხვერპლნი და მოიხმარენ ნარკოტიკულ ნივთიერებას.
როგორც გაირკვა ქორწინება გაცილებით ბედნიერს ხდის ქალებს. მშვენიერი სქესის წარმომადგენელთა ფსიქოლოგიური ჯანმრთელობა გაცილებით უკეთესია, არსებობს მხოლოდ ერთი პირობა - ქორწინება ბედნიერი უნდა იყოს.
მასალის გამოყენების პირობები
