ფარმაცევტულ ბაზარზე მონოპოლიებთან ბრძოლას ამიერიდან საქპატენტი განახორციელებს. როგორც დღეს გამართულ ბრიფინგზე საქპატენტის ხელმძვანელმა ირაკლი ღვალაძემ განმარტა, ჯანდაცვის სამინისტროსთან ერთად დაიწყება ფართოდ მოხმარებათი წამლების რეგისტრაცია. ამის შემდეგ მის დისტრიბუტორს საშუალება აღარ ექნება ბაზარზე მონოპოლია დაამყაროს და წამალზე ფასები გაზარდოს.
ღვალაძე განმარტავს, რა იგულისხმება "ფართოდ მოხმარბად პრეპარატებში". საუბარია, ძირითადად, გამაყუჩებელ პრეპარატებზე - ნოშპა, ანალგინი და ა. შ. უახლოეს დღეებში საქპატენტის ხელმძღვანელი ამ საკითხთან დაკავშირებით ფარმაცევტული კომპანიების წარმომადგენლებს შეხვდება და მათგან მოისმენს აზრს, თუ როგორ უნდა მოხდეს ბაზრის დაცვა მონოპოლიებისგან.
საქპატენტი გააქიურებას აპირებს სოფლის მეურნეობის კუთხითაც. სოფლის მეურნეობის სამინისტროსთან ერთად ახლად რეორგანიზებულ უწყებაში სოფლის მეურნეობის პროდუქტის მცენარეებისა და ცხოველერბის რეგისტრაცია დაიწყება. როგორც ღვალაძე განმარტავს, სოფლის მეურნეობის კუთხით უმძიმესი ვითარებაა, რადგანაც საქართველოში რეგისტრირებულია 16-მდე ადგილწარმოშობის ღვინო, ეს იმ ფონზე, როდესაც ქართული ადგილწარმოშობის ღვინოთა რაოდენობა გაცილებით მეტია. ღვალაძე განმარტავს, რომ ჭოპორტის პამიდორი, თუშური ცხვარი, ტყემალი გახდება ბრედნდები და ის საზღვარგარეთ გაიყიდება, როგორც ქართული ბრენდი. თუმცა მანამდე ამ პროდუქციას საქპატემნტში დაარეგისტრირებენ, რის შემდგომაც ევროკავშირის ქვეყნებში ამ პროდუქციაზე მოთხოვნა გაიზრდება.