ლევან კორინთელი დაიბადა 1971 წელს თბილისში. იგი იყო კინოთეატრ "ამირანის" თანამფლობელი. ასევე კინოსტუდია "რემკასა" და "დამოუკიდებელი კინოპროექტის" თანადამაარსებელი.

ლევან კორინთელი არის პოპულარული ქართული ფილმების პროდიუსერი.

ფილმოგრაფია: 2003 - მოგზაურობა ყარაბაღში (რეჟისორი ლევან თუთბერიძე); 2007 - რუსული სამკუთხედი (რეჟისორი ალეკო ცაბაძე) ჟიურის სპეციალური პრიზი მოსკოვის საერთაშორისო კინოფესტივალზე, რუსეთის კინოაკადემიის ჯილდო "ნიკა" საუკეთესო უცხოენოვანი ფილმისათვის; 2008 - სამი სახლი (რეჟისორი ზაზა ურუშაძე); 2009 - კონფლიქტის ზონა (რეჟისორი ვანო ბურდული) პრიზი საუკეთესო დებიუტისათვის მოსკოვის საერთაშორისო კინოფესტივალზე; 2010 - ქუჩის დღეები (რეჟისორი ლევან კოღუაშვილი) ცენტრალურ და აღმოსავლეთ ევროპული ფილმების ფესტივალის goEAST (ვისბადენი, გერმანია) მთავარი პრიზი - ოქროს შროშანი, პალიჩის (სერბეთი) ევროპული ფილმების ფესტივალის პრიზი ტოლერანტობისათვის, იასის (რუმინეთი)კინოფესტივალის გრან პრი საუკეთესო ფილმისათვის, ფილმი ნაჩვენები იქნა როტერდამის, ლოს ანჯელესის, ედინბურგის, სან პაულოს, გოტებორგის, მონრეალისა და მოსკოვის კინოფესტივალებზე.2010 - რენე მიდის ჰოლივუდში (რეჟისორი ალეკო ცაბაძე); 2011 - მარილივით თეთრი (რეჟისორი ქეთი მაჭავარიანი).