ციტრუსის გადამამუშავებელ საწარმო „ნარინჯში" არასტანდარტული მანდარინის მიღება დაიწყეს.
ახალი ხაზის ამოქმედების შემდეგ ნედლეული ადგილზე გადამუშავდება. ახალი დანადგარები დღეს აჭარის სოფლის მეურნეობის მინისტრმა მოინახულა. ემზარ ძირკვაძის განცხადებით, „ნარინჯმა" ამ დროისთვის 400 ტონამდე მეორეხარისხოვანი მანდარინი გადაამუშავა და უახლოეს პერიოდში ნატურალური წვენების ჩამოსხმმაც დაიწყება. იტალიური წარმოების ტექნიკის მონტაჟი ქარხანაში ერთი წლის განმავლობაში მიმდინარეობდა. საწარმოს სპეციალური დანადგარებით აღჭურვა მეპატრონეებს 2 მილიონ 813 ათასი ევრო დაუჯდათ. მათ შორის ერთი მილიონი ლარი მათ ადგილობრივი ბიუჯეტიდან იაფი სესხის სახელმწიფო პროგრამის ფარგლებში გამოეყო.
