სულ, აფხაზური მხარის ინფორმაციით, ამჟამად ოკუპირებულ აფხაზეთში ომისშემდგომ (1992-1993 წწ.) ჩამოსული დაახლოებით 1500 რეპატრიანტი ცხოვრობს, რომლებიც თურქეთიდან, რუსეთიდან, სირიიდან, იორდანიიდან და სხვა ადგილმებიდან ჩავიდნენ.

მათივე ინფორმაციით, ბოლო სამი წლი განმავლობაში ამ საკითხში შემდეგი დინამიკა ჩამოყალიბდა: ყოველწლიურად აფხაზეთში დაახლოებით 400 რეპატრიანი ჩადის, ისინი, მათივე ინფორმაციით, აფხაზები და აბაზგები არიან. თითოეულ მათგანს აფხაზეთის ე.წ. მოქალაქეობას აძლევენ, თუმცა მუდმივალ აფხაზეთში საცხოვრებლად, ჩასულთაგან მხოლოდ 5 % რჩება.

"1993 წლიდან აფხაზეთის მოქალაქეობა მიღებული აქვს 5582 აფხაზური დიაპორის წარმომადგენელს. რეპატრიაციის კომიტეტის წევრთა ინფორმაციით, მათი ადაპტაცია, ვინც აფხაზეთი მუდმივ საცხოვრებლად აირჩია რთულად მიდის. თავად რეპატრიანტები პირველ ადგილზე სამუშაო ადგილის ქონას ასახელებენ და მხოლოდ ამის შემდეგ მიიჩნევენ აუცილებლად ენის სწავლას და საცხოვრებლის ქონას. რეპატრიანტები, რომლებიც თურქეთიდან ჩამოდიან დიდი სიძნელეებს განიცდიან, რაც დაკავშირებულია იმასთან, რომ თურქეთი - ევროპეიზირებული და ეკონომიკურად განვითარებული ქვეყანაა. მათ კი ვინც ჩამოდის სირიიდან ან ჩრდილოკავკასიიდან ადაპტირება უფრო უადვილდებათ. ალბათ, სწორედ ამიტომაცაა, რომ მუდმივად საცხოვრებლად გადმისვლისათვის თურქეთიდან აფხაზეთში ნაკადი არც თუ ისე დიდია, თუმცა კონტაქტები ამ ქვეყანაში მაცხოვრებელ აფხაზურ დიაპორასთან ყველაზე მეტად განვითარებულია", _ წერს აფხაზური მედია და აგრძელებს: "და მაინც, რეპატრიანტები ფუძნდებიან აფხაზეთში ქმნიან ოჯახებსა და აჩენენ შვილებს, ისინი ამ პოულობენ სამუშაოს ან საკუთარ ბიზნესს ქმნიან".

აფხაზური მედიის ინფორმაციით, 2011 წელს რეპატრიანტების ოჯახებში აფხაზეთში 16 ბავშვი დაიბადა და 4 ახალი ოჯახი შეიქმნა. რეპატრიანტთა დაახლოებით 60 % კერძო სახლებსა და ბინებში ცხოვრობენ. დაახლოებით 40 % ქირით. თუმცა ამ მაჩვენებელში გასათვალისწინებელია ის, რომ მრავალ რეპატრიანტს საკუთარი ბინა აქვს, რომელსაც არემონტებს და მხოლოდ ამიტომ ცხოვრობს ქირით.
ამავე დროს, რეპატრიანტთა დიდი ნაწილი აფხაზეთის ქალაქებში ცხოვრებს, ეს დაკავშირებული იმასთან , რომ ისინი ქალაქის მაცხოვრებლები არიან და მათ არც ადრე უწევდათ სოფლის მეურნეობის გაძღოლა.

2011 წელს რეპატრიციის კომიტეტმა ფონდის სახსრებით 55 მილიონ რუბლად მრავალბინიანი (40) კორპუსი გულრიფშის რაიონის სოფელ მაჭარაში შეიძინა. ამ სახლის რემონტზე 20 მილიონი რუბლი დაიხარჯა. რემონტი უკვე დასრულებულია და რეპატრიაციის კომიტეტი ამჟამად მაცხოვრებელთა სიებს ადგენს. ამ სახლში მაცხოვრებლებს უახლოეს მომავალში უკვე შეასახლებენ - პირველ რიგში მათ ვინც ქართულ-აფხაზური კონფლიქტის მონაწილეა, რომელსაც სეპარატისტები "სამამულო ომის" მონაწილეებს უწოდენ, შემდეგ - მრავალშვილიანებს და შემდეგ კი მათ ვინც ოჯახის შექმნას აპირებს.

აფხაზური მხარე ასევე იუწყება, რომ ბოლო ხუთი წლის განმავლობაში რეპატრიაციის კომიტეტმა რეპატრიანტთათვის 170 მილიონი რუბლის ღირებულების ორი მრავალსართულიანი ბინა შეიძინა. ესენია: 34 ბინიანი კორპუსი სოხუმში ეშბას N 171- ში და 54 ბინიანი სახლი გულრიფშის რაიონის სოფელ დრანდაში. ეს უკანასკნელი ამჟამად რემონტდება და სარემონტო სამუშაოების დასრულების შემდეგ მასში სირიიდან ჩასულ აფხაზებს შეასახლებენ.

რაც შეეხება მიმდინარე 2012 წელს - უკვე დაფინანსებულია სოფელ მაჭარაში საცხოვრებელი კომპლექსის მშენებლობა. აქ აშენდება 9 ორსართულიანი 16 ბინიანი კორპუსი. მათ შორის ორი კორპუსის მშენებლობა 2012 წლის ბოლოსათვის უნდა დასრულდეს.
ხოლო გულრიფშში კონპაქტურად არია ჩასახლებული რეპატრიანტთა 10 ოჯახი, რომლებიც სოფლის მეურნეობას მისდევენ.

ამავე დროს რეპატრიანტთა ფონდიდან ასევე ფინანსდება რეპატრიანტთა ბავშვების საბავშო ბაღებში სიარული. 2011 წელს დაფინანსებულია 30 ბავშვის საბავშვო ბაღში სიარულის ღირებულება, 117 მოსწავლის სკლებში სწავლა 26 სტუდენტის სწავლის საფასურის 50% აფხაზეთის ე.წ. სახელმწიფო უნივერსიტეტსა და სოხუმის ღია ე.წ. უნივერსიტეტში. ამასთან ერთად, აუცილებლობის შემთხვევაში ხდება რეპატრიანტთა მკურნალობის ხარჯების დაფარვა და მათთვის მატერიალური დახმარების გაწევა ქორწილის ან გასვენების ორგანიზების საკითხში.