ბოლო ტურში ჩემპიონობისთვის მოქიშპე ორივე გუნდმა მოიგო - „ზესტაფონმა" მარტვილის „მერანს", შოთა გრიგალაშვილის ჰეთ თრიკით 3:0 სძლია, რუსთავის „მეტალურგმა" კი, ფოთში „კოლხეთთან" 2:0 (გივი კვარაცხელიასა და ირაკლი სიხარულიძის გოლებით) იმარჯვა.

ასე რომ, ზეიმი ზესტაფონშიც შედგა და ფოთშიც. რომელი გამოდგება დე იურე, ამას ქართული ფეხბურთის „მამები" გაარკვევენ. ვიდრე ეს მოხდება, მანამ 3 სავარაუდო ვარიანტი შეიძლება განიხილებოდეს:

1. მოქმედი დებულებით, რომელიც არავის შეუცვლია, ჩემპიონად „ზესტაფონს" გამოაცხადებენ. მოქმედმა ჩემპიონმა ხომ, მთელი ჩემპიონატის განმავლობაში მის ოპონენტზე 5-ით მეტი მატჩი მოიგო;
2. ჩემპიონად „მეტალურგი" გამოცხადდება, რომელმაც პლეი ოფსა და საუკეთესო 8 გუნდთან რეგულარულ ეტაპზე ურთიერთშეხვედრებში, იმერლებზე ერთით მეტი მატჩი მოიგო;
3. დანიშნავენ „ოქროს" მატჩს (შესაძლოა მატჩებსაც).
მოკლედ, დაველოდოთ აღმასკომს - იქნებ სფფ-ს ბნელი იურიდიული გვირაბის ბოლოში მაინც გამოჩნდეს სინათლე.

პლეი ოფი, ბოლო ტური
20 მაისი
კოლხეთი - მეტალურგი 0:2(0:2)
დინამო - ბაია 6:1 (4:0)
ზესტაფონი - მერანი 3:0 (2:0)
ტორპედო - დილა 3:2 (1:1)
1. ზესტაფონი 28 16 7 5 52:28 55

2. მეტალურგი 28 17 4 7 39:28 55

3. ტორპედო 28 14 6 8 34:25 48

4. დინამო 28 10 10 8 47:35 40

5. დილა 28 10 7 11 38:32 37

6. კოლხეთი 28 8 8 12 25:39 32

7. ბაია 28 5 7 16 25:49 22

8. მერანი 28 6 3 19 31:55 21

ბომბარდირები
20 - ჯაბა დვალი (ზესტაფონი)
15 - ჩისკო (დინამო)
12 - დიმიტრი ტატანაშვილი (მეტალურგი)
11 - მათე ვაწაძე (დილა)
10 - შოთა გრიგალაშვილი (ზესტაფონი), რევაზ გოცირიძე (ტორპედო)