დღეს, 8 მაისს, ეკლესია მარკოზ მახარებლის ხსენების დღეს აღნიშნავს. ქრისტეს მოციქული მარკოზი არის ახალი აღთქმის ერთ-ერთი ნაწილის შემქმნელი. წმინდა მოციქული და მახარებელი მარკოზი წარმოშობით ლევიტელთა ტომიდან იყო და თავდაპირველად იერუსალიმში ცხოვრობდა. ებრაულად მას იოანე ერქვა, მარკოზი მისი ლათინური სახელია. ეს სახელი, პეტრე მოციქულთან ერთად რომში წასვლის წინ მიუმატა თავის სახელს, რაც იმდროინდელი ებრაელებისათვის ნორმალური მოვლენა იყო. ის, რომ მარკოზ მახარებელი სამოცდაათთაგანი იყო, იმაზე უნდა მეტყველებდეს, რომ ახლოს იყო უფალ იესო ქრისტესთან.
დაახლოებით 44-45 წლებში გახშირდა იუდეველებში ქრისტიანთა დევნა და ამისთვის ანტიოქიის ქრისტიანობამ, მოციქულ ბარნაბასა და პავლეს ხელით გაგზავნა იერუსალიმში შესაწევნელი. გზავნილმა დანიშნულების ადგილამდე მიაღწია ხოლო უკან გამობრუნებისას მოციქულებმა ბარნაბასა და პავლეს მარკოზიც დაამგზავრეს. მარკოზ მახარებელს შესაძლებლობა მიეცა მოციქულების პირველ მისიონერულ მოგზაურობაში ხლებლებოდა, რომელიც ანტიოქიიდან დაიწყო. ანტიოქიიდან ხმელთაშუაზღვისპირა ქალაქ სელევკიაში ჩავიდნენ, აქედან კუნძულ კვიპროსზე გადავიდნენ და მთელი კუნძული მოვლეს ღვთის სიტყვის ქადაგებით. აქედან მვირე აზიის ქალაქ პერგიაში ჩავიდნენ, სადაც მარკოზმა დატოვა მოციქულები და იერუსალიმში დაბრუნდა.
გადმოცემით ცნობილია, რომ ალექსანდრიის პირველმოწამე თავად მარკოზ მოციქული იყო.
აღესრულა უფლის დიდი მოციქული - წმინდა მარკოზი, 68 წლის 25 აპრილს.
